Arbenigedd systemau awtonomaidd a seiberddiogelwch rhanbarthol wedi’i gryfhau gan Brifysgolion De Cymru a Chaerdydd a Chanolfan Arloesedd Seiber Airbus.
Mae cwmnïau fel Space Forge yn gweithio ym maes gweithgynhyrchu arloesol, cysylltedd diogel a seiberddiogelwch, ac mae General Dynamics yn cynhyrchu’r cerbyd arfog Ajax sydd gyda’r gorau yn y byd.
7,100 o Swyddi Cyfanswm y Swyddi Uniongyrchol, Swyddi Sifilaidd a Swyddi Milwrol a Gynorthwyir gan y Weinyddiaeth Amddiffyn ledled Cymru, 2023/24
Partneriaethau ag arweinwyr datganoledig
Mae Llywodraeth y DU yn gweithio gyda Llywodraeth Cymru i hybu twf mewn diwydiannau sy’n gysylltiedig ag amddiffyn. Bydd yn canolbwyntio ar gael gwared ar rwystrau a manteisio ar gyfleoedd mewn meysydd amddiffyn allweddol a sectorau busnes addawol.
Mae’r bartneriaeth hon yn parchu’r rheolau datganoli presennol – mae polisi amddiffyn yn parhau i fod yn gyfrifoldeb i lywodraeth genedlaethol, tra bod meysydd cysylltiedig fel hyfforddiant sgiliau yn parhau i fod o dan reolaeth leol.
Drwy gyfuno strategaeth genedlaethol ag arbenigedd lleol, nod y dull hwn yw creu’r amodau gorau posibl i’r diwydiant amddiffyn lwyddo ledled y DU.